Në tubimin e përnatshëm të organizuar në “Rrugën e Shpresës” në mbështetje të liderit të opozitës, Sali Berisha, qytetarët shprehin zërin e tyre për të mbrojtur demokracinë dhe drejtësinë.
Mes folësve ishte një pensioniste e cila ndau mesazhin e saj, duke e krahasuar betejën në Shqipëri me përballjen e popullit amerikan ndaj të majtëve që ‘persekutuan’ ish-presidentin Trump.
Me bindje se demokracia do të triumfojë, ajo theksoi se shqiptarët janë të gatshëm të mbrojnë të drejtat e tyre dhe të qëndrojnë kundër ndikimeve të huaja Sorosiane.
‘Kur populli amerikan votoi njëzëri, me një diferencë të jashtëzakonshme kundër të majtëve që persekutuan Trump, që persekutuan presidentin e ardhshëm, çfarë fituan? Asgjë. E njëjta gjë që ndodhi në Amerikë, nesër do të ndodhë në Shqipëri. Sali Berisha do të fitojë, Sali Berisha është demokrat. Demokracia do të fitojë në të gjithë botën.
Bota Sorosiane do të zhduket nga faqja e dheut, dhe, edhe nëse ekziston, ditët i ka të numëruara.
Sorosianët janë të majtë, e majta është antidemokraci, është kundër unitetit, është kundër popullit. Prandaj të gjithë shqiptarët, kudo që janë; të gjithë demokratët, të gjithë opozitarët, të gjithë socialistët e ndershëm, të gjithë pensionistët, nga të cilët 70% jetojnë në kushte minimale – të ngrihemi në këmbë për të mbrojtur demokracinë, familjen tonë demokratike, për të mbrojtur të drejtat e Sali Berishës dhe të drejtat e opozitës.’- u shpreh pensionistja.
Discussion about this post