Pentagoni nuk i ka dhënë ndihmë Ukrainës për të goditur anijen “Moskva”, duke mohuar t’i ketë dhënë informacione specifike për shënjestrimin e saj , kryqëzori me raketa që ishte krenaria e flotës ruse në Detin e Zi.
“Ne nuk i dhamë Ukrainës informacione specifike për shënjestrimin e Moskës”, tha Sekretari i shtypit i Pentagonit, John Kirby në një deklaratë të enjten mbrëma.
“Nuk ishim të përfshirë në vendimin e ukrainasve për të goditur anijen ose në operacionin që ata kryen. Ne nuk kishim njohuri paraprake për qëllimin e Ukrainës për të shënjestruar anijen”, theksoi ai, raporton CNN.
Ushtria ukrainase pretendoi se e kishte goditur anijen me dy raketa Neptun në mes të prillit. Anija më pas u fundos ndërsa po tërhiqej në port për riparime. Rusia tha se dëmtimi i anijes ishte rezultat i shpërthimit të municioneve.
“Ukrainasit kanë aftësitë e tyre të inteligjencës për të gjurmuar dhe synuar anijet detare ruse, siç bënë në këtë rast”, shtoi Kirby.
Discussion about this post