Njohur për traditën disavjeçare të mbarështimit të gjelit të detit në fshatin Përparim në Peqin u mbajt “panairi i gjelit të detit”, i cili synon të promovojë traditën e kësaj zone në rritjen e këtij shpendi. Aktualisht fermerët janë duke e tregtuar 1000-1200 lekë për kilogram. Por, veç promovimit, fermerët e Peqinit kanë nevojë për mbështetje nga qeveria. Ata kërkojnë politika lehtësuese, në mënyrë që gjelat e rritur në mënyrë natyrale të mos konkurrohen në çmim nga produktet e importit.
“Na kushtojnë shumë ushqimet edhe ilaçet që përdorim për këto. Këto kanë dalë që në Prill, ti mbash 8 muaj dhe ti shesësh me 10 -12 mijë lekë të vjetra për kilogram është çmim i ulët, nuk ia vlen. Këtë vit kam rritur 50 gjela”, tha një fermer.
Ministrja e Bujqësisë Anila Denaj pjesëmarrëse ne panair, tha se qeveria s’mund tu përgjigjet kërkesave të fermerëve sepse është e pamundur te krijojë skema mbështesë për çdo sipërmarrje private.
Përpos gjelit të detit simbol i tryezës së Vitit të Ri, fermerët ekspozuan edhe produktet bujqësore të zonës. Rreth 30 mijë gjela deti mbarështohen çdo vit në Peqin, të cilët njihen për shijen e veçantë për shkak të kullotjes në natyrë.
gijotina.com/
Discussion about this post