Portali qeveritar online në vend ka njoftuar dy ndryshimet më të mëdha, i cili lehtëson punë për bizneset shqiptare në vend, që duan të rekrutojnë staf të huaj.
Nëpërmjet ndryshimeve të bëra, pronarët duhet të plotësojnë dokumentacionin përkatës për punësimin e shtetasve joshqiptarë, dhe më pas duhet të presin verifikimin nga strukturat përkatëse nëse bien apo jo ndesh me ligjin.
Procesi i vlerësimit dhe verifikimit të rastit zgjat deri brenda afatit kohor 10 deri 15 ditë pune, dhe më pas bizneset mund të aplikojnë për procedurën e dytë të rëndësishme, duke ngarkuar në portal elektronikisht të dhënat e punëkërkuesve.
“Aplikim nga punëdhënësi për leje unike për të huajt” i ndihmon bizneset të depozitojnë kërkesën për lejen unike nëpërmjet një formulari të detajuar, ku u duhet të japin informacion të saktë për shtetasin që kërkojnë të punësojnë.
Faza e dytë më pas kalon në afatin kohor brenda 8 ditësh, duke marrë miratim për punësimin dhe vizën e tipit ‘D’, shtetasit të huaj i krijohet mundësia të hyjë në territorin shqiptar dhe të nisë aktivitetin e tij si punëmarrës.
Në vitin 2023, shtetasit e pajisur me leje pune në total arritën në 9,825, me një rritje prej 18.3% në raport me vitin e mëparshëm.
Për krahasim, të punësuarit në vend në fund të vitit 2023, sipas INSTAT, ishin 1.32 milionë. Duke hequr administratën shtetërore, prej 181 mijë personash, gjithsej janë 1.14 milionë të punësuar në sektorin privat dhe atë bujqësor. Si rrjedhojë, të huajt në 2023 përbënin vetëm 0.86% të totalit të atyre që punojnë në sektorin privat apo në bujqësi.
Po sipas të dhënave nga AKPA, për vitin 2023 në vend të parë është sektori i Akomodimit dhe shërbimit ushqimor me 1094 miratime punësimi; i dytiështë sektori i ndërtimit me 999 miratime; në vendin e tretë sektori Aktivitete të tjera shërbimi me 985 miratime; në vendin e katërt, sektori i Tregtisë me shumicë dhe pakicë me 848 miratime dhe më pas sektori Industri të tjera përpunuese, me 788 miratime.
Për vitin 2023, të huajt me numrin me të lartë janë sipas AKPA janë nga Turqia, Bangladeshi, Nepali, India dhe Italia. Gjatë vitit 2023, numri më i lartë i lejeve unike të miratuara ishte gjatë muajit maj me përkatësisht 1,421 leje.
Së fundmi u bënë të ditura planet e qeverisë për një marrëveshje me një shtet të huaj për të sjellë 40 mijë punonjës të huaj, pa dhënë shumë detaje se si do të funksionojë kjo skemë dhe pse duhet të ndërmarrë një rol të tillë qeveria. Gjithësi, duke pasur parasysh tendencën dhe shifrat e deritanishme, vështirë që kjo skemë të funksionojë.
gijotina.com/
Discussion about this post