Sot u shpërnda një informacion se automjeti i ministrit të Brendshëm kishte gjoba të papaguara për shkelje të Kodit Rrgor.
Automjeti në fjalë ishte përdorur nga ministri i Brendshëm, Bledi Çuçi, dhe pas dorëzimit të detyrës, i njëjti automjet do të përdoret nga Taulant Balla.
Sipas raportimeve, automjeti kishte 3 gjoba të papaguara në vlerë totale 6.6 mijë lekë dhe gjobat ishin vendosur në 2021 dhe 2022.
Dhe çuditërisht informacioni rrodhi jo më shumë se 72 orë nga dita që Çuçi dorëzoi detyrën si i shkarkuar nga Edi Rama, ndërsa Taulant Balla ka reaguar menjëherë në rrjetet sociale, duke i tërhequr vëmendjen policisë.
Duket se Bledi Çuçi do “vuajë” deri në fund telendisjen në publik, veçanërisht pas shkarkimit si ministër, pa iu dhënë mundësia të dorëhiqej, apo “largohej” sikundër ka ndodhur me paraardhësit e tij.
Postimi nga Balla
“Sot i kam tërhequr vëmendjen strukturave të Policisë së Shtetit për lejimin e akumulimit të gjobave për shkeljet e rregullave të qarkullimit nga ana e automjetit të Ministrit të Brendshëm!
Standarti i vendosur nga kryeministri Rama qysh në ditën e parë të marrjes së detyrës nga ana e tij, ka qenë i qartë.
Eskorta e Kryeministrit e para dhe më pas të gjitha automjetet e tjera zyrtare të ministrave, deputetëve e me radhë, nuk mund të shkelin rregullat e qarkullimit përveçse në raste emergjencash të lidhura me detyrën.
Ai standart i dha fund spektakleve prej të fortësh në rrugët e Tiranës mëngjes, drekë, darkë me sirena e me kapërcime semaforësh, të kategorive të lartpërmendura.
Është për të ardhur keq, sepse përveç të tjerash ministrat nuk i drejtojnë makinat vetë dhe s’ka pse emrat e tyre të përfliten nëpër portale apo tv (siç ndodhi sot me paraardhësin tim që sapo la detyrën) për shkak se Policia e Shtetit nuk ekzekuton vendimet e gjobave përkatëse!
Uroj që kjo kujtesë t’u shërbejë të gjithëve për të bërë detyrën e tyre sipas ligjit.
Discussion about this post