Edhe pse ka disa muaj që ka përfunduar, disa prej ish-banorëve të “Big Brother Vip” vazhdojnë të jenë në qendër të medieve rozë me postimet e tyre në rrjete sociale.
Një ndër to është këngëtarja e njohur, Beatrix Ramosaj. Mjafton një foto, video apo shkrim në rrjetet sociale të Trixës dhe ndjekësit ta komentojnë menjëherë.
Herë pas here këngëtarja nuk i ka kursyer deklaratat për të cilat edhe është komentuar shumë, prandaj ka vendosur të reagojë me një status në “Twitter”.
“Shumë njerëz nuk më pëlqejnë mua sepse jam tepër e sinqertë. Më mirë të them të vërtetën dhe të më urrejnë sesa të më pëlqejnë për diçka që nuk jam”, shkruan Ramosaj në postimin e saj.
Kujtojmë se Beatrix u komentua shumë në BB VIP pasi nisi një romancë me aktorin e humorit, Donald Veshaj. Ky i fundit në atë kohë sapo i kishte dërguar Bora Zemanit disa sinjale për ribashkim pas daljes së tij nga shtëpia më e famshme në Shqipëri.
Por me kalimin e ditëve, gjërat morën një tjetër rrjedhë në “Big Brother VIP”, ku Donaldi dhe Beatrix u lidhën bashkë. Megjithatë kjo romancë nuk zgjati shumë, pasi çdo gjë përfundoi kur aktori doli nga shtëpia e reality show-t.
Discussion about this post