Adriana Matoshi, aktorja dhe deputetja e Lëvizjes Vetëvendosja është përfshirë në një zënkë me fqinjën e saj. Shkak për këtë është bërë pikërisht qeni i Adrianës.
Ngjarjen e ka bërë të ditur kjo e fundit përmes një postimi në “Facebook”, ku ka treguar se policia i ka mbërritur në shtëpi pasi fqinja e saj ishte ankuar.
“Ka gati 1 vjet që e kemi adaptu një qen maltezer, për ata që e njohin këtë racë e dijn sa të mirë janë e sa të qetë janë! Unë banoj në kurriz edhe krejt kojshitë e dojnë qenin përveç një gruaje! Nana ime m’ka tregu se kojshikja jonë e dashtun tutet, por kurqysh nuk ma merrke menja ni njeri dy metra me u frigu prej ni krijese kaq të dobët e të mirë që asnjëherë nuk ka frikësu dikënd. Kojshikja jone e dashtun e ka sulmu qenin duke e gjujt papuqe poashtu çikës tem 9 vjeçe i ka thon që kom me ta PRE qenin”, kashkruar depudetja.
Sakaq, ajo ka deklaruar se fqinja i ka sulmuar qenin me shapka dhe i ka thënë të bijës 9-vjeçare se do t’i vrasë qenin.
“Sot, policia na troket në derë edhe ma s’pari than lidhne qenin e mandej bisedojmë…Njerzit kanë mendu që naj Pit Bull a naj qen i rrezikshëm, kur e panë qenin tonë ja nisën me lujt me të edhe na tregun që për të jon ardhe!!!Tash a m’tregoni mu a ma i rrezikshëm qeni a njeri që kërcënon me pre e me gjujt papuqe ni qen të vockël që sa ka nise me shiju jetën e me i bo të lumtun krejt për rreth vetes, plus me e bo me vaj e me mërzitë qikën 9 vjeçe me asi fjalë të tmerrshme? Mentaliteti jonë le për të dëshiruar e edhe ma shumë qasja ndaj njerëzve fëmijëve e gjithashtu dhe kafshëve”, ka shkruar Adriana.
Gjatë kësaj kohe aktorja nga Gjilani, Adriana Matoshi ka qenë mjaft e përfolur për lidhjen saj të re, ndërsa prej vitesh ka qenë nënë beqare.
