Davis Wisner, i ngarkuari me Punë i SHBA në Tiranë, zhvilloi sot një takim me dy deputetet, drejtuese në Komisionin e Ligjeve, Klotilda Bushka (PS) dhe Dhurata Çupi (PD).
Sips një njoftimi nga Ambasada e SHBA, në takim u ra dakord për rëndësinë e posteve kyçe si ai i Avokatit të Popullit.
Gjithashtu u ra dakord për natyrën kritike të përpjekjeve të Shqipërisë për reformën në drejtësi, si dhe rolin që shumica dhe opozita luajnë në një demokraci të shëndetshme.
Avokati i Popullit është një nga çështjet që ka mbetur pezull në Kuvendin e Shqipërisë, kjo për faktin se mazhoranca ka refuzuar muaj më parë kandidaturat që kishte propozuar opozita. Nuk dihet se me cilin nga grupimet opozitare, socialistët e drejtuar nga Edi Rama, do të bashkëpunojnë dhe do të bashkojnë votat.
Nuk është çudi që zgjedhja e Avokatit të Popullit të kalojë si një proces pazaresh politike, pavarësisht se në publik flitet për parime dhe respektimin e tyre.
Discussion about this post