Disa herë kemi investiguar denoncimet e qytetarëve ndaj ish-drejtuesit të prokurorisë Gjirokastër, Julian Çafka. Prokurori në fjalë kaloi vetingun, por vendimi u apelua dhe tani pret verdiktin e Apelit në 18 janar 2024.
Aktualisht Çafka, nga drejtues i Prokurorisë Gjirokastër, ka kaluar si prokuror i ekzekutimeve në Prokurorinë e Tiranës. Sot tregojmë, se si Julian Çafka ka hetuar babain e tij dhe më pas ka pushuar çështjen, pa e vrarë mendjen për konfliktin e interesit.
Në korrik 2014, në Prokurorinë e Gjirokastrës, u regjistrua procedimi penal për falsifikim dokumentash. Shtetasi Hito Hitaj, pretendonte se nuk ishte përfshirë në pasurinë që i takonte si trashëgimtar me vendimin e KKP-së Gjirokastër të vitit 2004, ku inxhinier ishte Hajdar Çafka, babai i prokurorit.
Pas një viti, prokurori Julian Cafka del me vendimin e pushimit të këtij denoncimi edhe pse, nuk duhet të kishte hetuar në asnjë rast një çështje ndaj babait të tij. /tvklan.al
Discussion about this post