Për të parën herë, 10 shqiptarë pjesë e Qeverisë së Maqedonisë
Qeveria e Maqedonisë së Veriut për herë të parë ka në përbërjen e saj 10 shqiptarë.
Në përbërjen e Qeverisë së udhëhequr nga Dimitar Kovaçevski, do të ketë 9 ministra shqiptarë nga partitë shqiptare dhe një shqiptar nga partia maqedonase LSDM.
Pjesë e qeverisë që është votuar të dielën para mesnatës janë partitë BDI, LSDM, Alternativa, PDSH dhe disa parti të tjera të vogla, si pjesë e koalicionit të LSDM-së.
Në përbërjen e Qeverisë janë vetëm 4 gra.
Kryeministri i ri i Maqedonisë së Veriut, Dimitar Kovaçevski, paraditen e së hënës ka marrë detyrën nga kryeministri i deritanishëm Zoran Zaev.
Kovaçevski para se të merrte mandatin, ka thënë se vendi asnjëherë nuk do të jetë i ndarë mes etnive dhe dallimeve të tjera, por do të jetë i të gjithëve.
Qeveria e tij synon fillimin e negociatave me Bashkimin Evropian, duke tejkaluar edhe kontestin me Bullgarinë. Qeveria e re është votuar pas dy ditësh të plota debati mes deputetëve të pushtetit dhe opozitës.
Opozita ka kontestuar legjitimitetin e Qeverisë, duke thënë se e njëjta po zgjidhet në Kuvend dhe jo në zgjedhje.
Qeveria e re u votua meqë ish-kryeministri Zoran Zaev dha dorëheqje nga detyra e kryeministrit dhe kryetarit të LSDM-së, pas humbjes së thellë në zgjedhjet lokale.
Discussion about this post