Për herë të parë, Kolegji i Posaçëm i Apelimit ka vendosur që të rishikojë një vendim shkarkimi nga vetingu me formë të prerë.
Bëhet fjalë për ish-prokuroren Antoneta Sevdari, ish-anëtare e KLP.
Rishikimi i vendimit të shkarkimit nga KPA vjen pas vendimit të Gjykatës së Strasburgut. Gjykata europiane i dha të drejtë ish-prokurores.
Strasburgu dënoi Shqipërinë me dëmshpërblimin e ish-prokurores me disa paga dhe sugjeroi të rishikohej vendimi i shkarkimit të saj pasi i janë shkelur disa të drejta gjatë rivlerësimit kalimtar.
Gjykata vuri në dukje se vendimi i shkarkimit ishte “disproporcional”, por theksoi gjithashtu se rasti i Sevdarit duhet të konsiderohet përjashtimor dhe se nuk shërben për të hedhur poshtë në tërësi procesin e vetingut në Shqipëri.
Discussion about this post