Për herë të parë, Netanyahu pranon se Izraeli ishte pas sulmit me pagerat në Liban

Izraeli ka konfirmuar për herë të parë se ishte pas operacionit të shtatorit për të shpërthyer qindra pagera të përdorura nga Hezbollahu në Liban.

Mediat izraelite raportuan të dielën se kryeministri Benjamin Netanyahu i tha kabinetit të tij: “Operacioni i shpërthimeve dhe eliminimi i udhëheqësit të Hezbollahut, Hassan Nasrallah, u nis megjithë kundërshtimin e zyrtarëve të lartë në institucionin e sigurisë dhe kupolës politike në krye të tyre.”

Një zyrtar izraelit i konfirmoi këto komente për CNN – hera e parë që Izraeli e pranon rolin e tij për ngjarjen.

Vendimi i qeverisë për të informuar mediat izraelite mbi komentet e Netanyahut – dhe si rrjedhojë, konfirmimi i Izraelit se ishte pas operacionit, duket të jetë një kapitull tjetër në makinacionet e brendshme politike që kanë dominuar Izraelin javët e fundit.

Mediat izraelite e interpretuan shprehjen si kritikë të nënkuptuar ndaj udhëheqjes ushtarake dhe inteligjencës izraelite, si dhe ndaj ministrit të atëhershëm të Mbrojtjes Yoav Gallant, të cilin Netanyahu e shkarkoi të martën.