Pas shumë ditë mungese, Beatrix Ramosaj ishte mbrëmjen e sotme në studion e Big Brother. Pas eleminimit të saj ajo ka zgjedhur të mos prononcohet për asnjë media.
E veshur me një fustan rozë dhe me një make-up të lehtë, këngëtarja tha se ishte shumë mirë, duke falënderuar të gjithë për mbështetjen.
Trixa ka shpjeguar se si është ndjerë pas eleminimit, si dhe kritikat që ajo ka arritur të i shohë pas daljes nga aty.
Gjithashtu ajo shpjegoi se ka arritur të marrë veten. Nuk mundi pa e përmendur edhe Donaldin të cilin tha se po e ndjekë edhe nga jashtë.
“Produksioni më ka qëndruar shumë afër, por ja jam shumë mirë. U përulem të gjithëve për mbështetjen, nuk e kam pritur, jam shumë e lumtur. Gjysmën time e kam aty brenda. Unë në fakt jam një njeri që i marr me ritëm të ngadaltë gjërat. Ndjej akoma edhe më shumë për Donaldin”, tha Beatrix.
Dyshja Beatrix dhe Donald është ndër më të pëlqyerat gjatë këtij viti në Big Brother VIP, ndërsa ata fillua një romancë brenda shtëpisë.
Nuk dihet ende nëse romanca e tyre do të vijojë edhe jashtë shtëpisë, ndërsa Trixa ka realizuar edhe një këngë kushtuar dashurisë së tyre.
Pak ditë më parë Beatrix bëri një këngë drejtuar Donaldit, gjest të cilin aktori e vlerësoj jashtëzakonisht shumë , madje dhe u përlot.
Discussion about this post