Gruaja që u bë virale me frazën “Çantën n’krahe për kokrrën e qejfit”, iu rikthye dhe njëherë xhiros së rrjeteve sociale, kjo për shkak të një lajmi të rremë lidhur me të. Sipas disa mediave online, Vjollca kishte ndërruar jetë si pasojë e një vetëvrasjeje, pasi ishte braktisur nga burri dhe familja, pikërisht prej të ashtëquajturat ‘meme’ të cilat gjendeshin kudo në rrjetë.
Lajmi u shpërnda me shpejtësi dhe bëri bujë, por fatmirësisht Vjollca gëzon shëndet të plotë, e madje jeton me burrin që në emision refuzonte në mënyrë kategorike ta pranonte në shtëpi, për shkak të mosmarrëveshjeve në çift.
Një zyrtar vendor i zonës ku banon gruaja ka postuar një foto me gruan dhe bën me dije se ajo është shëndoshë e mirë e gëzon shëndet të plotë, e madje në konotacionin e shakasë ka përdorur dhe frazën e famshme të zonjës.
“Si kokrra e molles! Me Vjollcën duke shiju një kafe për qejfin tonë n’lokal”, shkruan zyrtari.
Discussion about this post