Duket se të gjithë “rilindasit” e sotëm kanë vetëm një person që e marrin si shembull dhe tentojnë që ta kopjojnë në çdo detaj dhe ai është shefi i tyre, Edi Rama.
Një prej tyre është dhe Taulant Balla, i cili njësoj si shefi i tij, ka vendosur t’u përgjigjet komente të ndjekësve në rrjetet sociale, siç duket me qëllimin për ta bërë profilin e tij sa më aktiv.
Ditën e djeshme, Balla publikoi një video ku ironizonte shkuarjen në SPAK të Sali Berishës, duke shkruar se “bufi” ishte kthyer në shkollë, duke bërë një paralelizëm me rikthimin e fëmijëve në çerdhe e shkolla, më 1 Shtator.
Por, një prej ndjekësve e ka ironizuar me mbiemrin e tij, duke i zëvendësuar shkronjën “B”, me “P-në”. Por, Balla edhe pse mund të zgjidhte ta anashkalonte komentin apo ta fshinte, nuk e ka kursyer ndjekësin, madje duke “shthurur” edhe gojën, gjë e cila nuk i përshtatet aspak një politikani të lartë të vendit.
“O tao tao!!! Ne fakt per nje b-qe ti se ve fjala “Balla” behet “Palla”, shkruan qytetari, ndërkohë që Taulant Balla i përgjigjet: “Oresti Berberi e ke pa sa e kishte pallën (figurë me simbol shpate) Skenderbeu”
Discussion about this post