Dalin në dritë detaje lidhur me sherrin e ndodhur mëngjesin e së shtunës në rrugën ‘Besim Alla’ në Tiranë, ku një efektiv policie dhe vëllai i tij u dhunuan nga disa persona dhe përfunduan në spital. Të plagosur si pasojë e konfliktit kanë mbetur Ervin dhe Bledar Fanaj. Ndërkohë janë identifikuar edhe dy personat e tjerë përfshirë në konflikt, Bekim Bolica dhe Bes Bolica
Shkak i sherrit është bërë një borxh. Punonjësi i policisë dhe vëllai i tij kanë qenë duke lëvizur në zonë, kur këta persona i kanë parë dhe i kanë ndaluar.
Personat e tjerë i kanë kërkuar një shumë parash vëllait të efektivit pasi pretendonin se borxhi dhe konflikti mes tyre ishte i vjetër.
Në sherr e sipër, ata janë goditur me sende të forta si shkopinj e gurë.
Efektivi që ishte jashtë shërbimit dhe vëllai i tij u dëmtuan nga sendet e forta. Sipas policisë, ata janë dërguar në spital për shkak të dëmtimeve të marra por ndodhen jashtë rrezikut për jetën.
Discussion about this post