Një krim i rëndë është parandaluar paraditen e sotme në Korçë. Dy persona të cilët nga hetimet rezultuan se janë vëllezër kishin planifikuar sot ekzekutimin e një personi. Kontrollet blic nga policia në zona të ndryshme të qytetit juglindor kanë “dështuar” planin e tyre.
Njëri nga vëllezërit e rrezikshëm u vu në pranga ndërsa një tjetër u shpall në kërkim. Policia informon se ngjarja ishte planifikuar të ndodhte mbrëmjen e kaluar. Dy vëllezërit me inicialet XH.H dhe B.H, në rrugën e fshatit Buçimas goditën me mjet prerës (thikë) në shpinë, personin me inicialet A. A., 38 vjeç, banues në Buçimas. Ky i fundit ndodhet nën kujdesin e mjekëve në Spitalin Rajonal Korçë, jashtë rrezikut për jetën.
Personat në fjalë, pritet të përballen me akuzën për veprën penale “Vrasja me dashje”, mbetur në tentativë, kryer në bashkëpunim.
Rrugët janë përgjakur pothuajse çdo dy ditë ndërsa siguria në vend e qytetarëve vijon të cenohet. Ky fakt jep alarmin e kuq për rizgjimin e ngjarjeve kriminale, në vend. Edhe qarkullimi i personave të dyshimtë me armën e zjarrit në brez, ka shtuar përherë e më shumë rrezikun e plagosjeve dhe vrasjeve, të cilat ndodhin sa hap e mbyll sytë, mes kalimtarëve dhe qytetarëve të tjerë. Megjithatë theksojmë se autorët e këtyre atentateve mafioze “enden” të lirë teksa hetimet lidhur me to “zvarriten”. Duket se edhe ndërhyrja e grupeve hetimore dhe uniformave blu bëhet akoma më e vështirë, pas faktit se kemi të bëjmë me vrasës profesionistë. A.L/ gijotina.com
Discussion about this post