Toni Kroos është blerja e shekullit për Real Madrid, sipas presidentit Floerntino Perez. Këtë e ka zbuluar agjenti i futbollistit, Volker Struth, gjatë një interviste.
“Pak para shpërthimit të pandemisë së koronavirusit, Florentino më ftoi për drekë. Ai është një person tepër i mirë, me një histori të madhe jete. Ai duket si sipërmarrës, por ai është ende njeri. Ai më shpjegoi pse Toni është nënshkrimi i shekullit të Real Madridit për të. Kroos është i pamposhtur për sa i përket vlerës për para”, tregoi Struth.
Gjermani u transferua te madrilenët në verën e vitit 2014 nga Bayern Munich dhe ka luajtur më shumë se 300 ndeshje. 31-vjeçari i kushtoi spanjollëve rreth 35 milionë euro dhe është kthyer ndër lojtarët më të rëndësishëm për klubin. Këtë ai e vërtetoi edhe me golin që shënoi ndaj Interit të martën në ndeshjen e Champions League.
Discussion about this post