Grabitet për të disatën herë konizma e Kishës së Shën Sotirit në Korçë. Objekti fetar ndodhet në bulevardin “Republika”. Sipas policisë, persona ende të paidentifikuar kanë hapur me forcë arkën e dhurimeve financiare të besimtarëve.
Ngjarja u shënua në orët e para të mëngjesit të sotëm. Dyshohet se autorët ishin të paktën dy.
Lexo edhe: Aksident në Korçë, plagoset një grua
Uniformat blu kanë sekuestruar pamjet e një prej kamerave të bizneseve ngjitur me Konizmën e kishës, ashtu siç ka sekuestruar pamjet e kamerave të sigurisë të bizneseve të tjera përreth si dhe të Zyrës Rajonale të Punësimit që ndodhet përballë vendit të ngjarjes.
Nga ana e Mitropolisë së Korçës bëhet me dije se është e disata herë që ky objekt kulti grabitet nga persona të ndryshëm dhe vetëm një herë policia ka shkuar tek autorët e grabitjes.
Duhet thënë se objektet e kultit ortodoks në juglindje të vendit herë pas here janë bërë pre e grabitjeve.
Kohët e fundit nga persona ende të paidentifikuar janë grabitur Katedralja e këtij qyteti si dhe Kisha e Shën Sotirit.
Discussion about this post