Pandemia ka krijuar mundësi të mëdha për ata që kanë interes të investojnë në prona të paluajtshme. Sipas ekspertit imobiliar Eglent Bici, futja në treg e shumë apartamenteve të reja dhe trendi për të shitur banesat e vjetra për t’u zhvendosur drejt këtyre ndërtesave më cilësore, ka bërë që si pronarët, ashtu edhe ndërtuesit të jenë më të prirur për të negociuar me çmimin.
Emigrantët dhe të huajt, sipas një vëzhgimi të Bankës së Shqipërisë, zënë 1/3 e blerësve. Pandemia frenoi tregun imobiliar për shkak të masave kufizuese, por pa zbehur interesin për të investuar në Shqipëri.
Sa i takon tregut të qirasë, Bici argumenton se nuk pritet një rritje çmimesh në vijim, për shkak se rikthimi i studentëve dhe të huajve do të balancohet nga shtimi i pronave që jepen me qira.
