Benet Becit i kishte mbetur një magazinë pa lyer me bojë. Por tenderit i fundit është edhe më paradoksal, pasi do të rikonstruktohet një godinë të cilës nuk i jepen as vendndodhja, as përmasat, as funksioni. Mund të jetë edhe një objekt imagjinar, sepse në asnjë dokument të tenderit nuk përshkruhet ndonjë detaj konkret mbi “magazinën”.
Bëhet fjalë për prokurimin me objekt ‘Rikonstruksion magazine dhe ambiente të jashtme’, në dokumentet e të cilit nuk përcaktohet se për çfarë magazine bëhet fjalë.
Nga tabela e preventivit të punimeve mund të kuptojmë se magazine ka një sipërfaqe 60 metër katror dhe duhet të ketë 3 kate. Por, Becit i kanë dalë llogaritë se do të duhen 75 milionë lekë për t’i bërë risovatime, lyerje, dhe riparime elektrike.
Gjithsesi rregulli e kërkon që në dokumentet që shoqërojnë kontratën të përcaktohet vendndodhja e objektit.
Më tej kryetari ka vijuar me shkelje në hapat e tjerë të prokurimit. Open Data Albania i ka vendosur tenderit ‘Flamur të Kuq’, që është shenja e riskut të korrupsionit. Gara për këtë tender qëndroi hapur vetëm 12 ditë, për t’u mbyllur më datë 19 gusht 2924. Mbase Beci nuk e priste, por gjatë kësaj periudhe kanë shfaqur interes 10 kompani me oferta që varionin nga më ekonomiket deri tek ato më zhvatëset (sa fondi limit).
Firmat “Progres Shkodra” sh.p.k dhe “KADIA” sh.p.k kishin ofertat më të ulëta, me vlerë 51 milionë lekë, por të dyja këto kompani janë skualifikuar me arsyetimin se nuk kanë dorëzuar dokumentet që vërtetojnë se kanë kryer punë të ngjashme.
Edhe pse ligji specifikon që kjo nuk duhet të jetë arsye për skualifikim të menjëhershëm, por për paralajmërim, komisioni i Becit i ka fshirë.
Menjëherë janë skualifikuar edhe 7 oferta të tjera, prandaj për në fazën e fundit mbeti vetëm oferta e bashkimit të operatorëve “Boris 2019” sh.p.k – ”Ndërtuesi 2014” me vlerë 52 milionë lekë, pa TVSH.
Skema është e thjeshtë, skualifikohen të gjithë pjesëmarrësit, përveç fituesit. Nga mënyra e procedimit është e qartë që “Boris 2019”sh.p.k – ”Ndërtuesi 2014” ishin paracaktuar si fitues. Ndërkohë Beci, duke parë se shumë kolegë të tij kanë vizituar kohët e fundit SPAK-un, nuk e ka firmosur vetë formularin e fituesit, por ka autorizuar një nga nënkryetarët e bashkisë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post