Kjo është padyshim përballja e madhe. Pas eliminimit të PSG-së në raundin e kaluar, Bayern Munich këtë herë do të sfidojë Manchester Cityn për një vend në gjysmëfinale të Champions League.
Një takim që magjeps deri në pikën më të lartë Hasan Salihamidziç, drejtorin sportive të bavarezëve , i cili është i etur të përballet me ‘qytetarët’
“Më pëlqen të luaj kundër skuadrave të mira. Lojtarët tanë janë shumë të përqendruar. Është një ndeshje e nivelit të lartë. Janë një kundërshtar i vështirë, më i forti për mendimin tim. Është një tjetër finale, pas Parisit.
Ata fituan shumë bindshëm kundër Leipzig. Do të shohim përsëri Pep Guardiolën. Mezi pres të jem atje. Haaland është një nga sulmuesit më të mirë në botë. Ne jemi mbrojtur shumë mirë kundër Parisit. Mendoj se City po ecën mirë për momentin.
City kundër Bayern është ndeshja më emocionuese në çerekfinale. Besoj se do të luajmë më mirë kundër skuadrave më të mira. Këto janë momentet kryesore të sezonit për tifozët.”, u shpreh ai pas hedhjes së shortit që ka vënë përballë dy nga pretendentët kryesorë për fitimin e kupës së Champions League
Discussion about this post