Trajneri i Vllaznisë, Thomas Brdaric ka folur për mediat para ndeshjes kundër Kukësit që do të luhet këtë të enjte në orën 16:45.
Tekniku ka një mesazh për lojtarët e ekipit të tij, ndërkohë që nuk merr përsipër të premtojë fitore kundër verilindorëve.
“Ne duhet të jemi shumë të përgatitur për të pritur Kukësin në stadiumin tonë. Skuadra duket me shumë vetëbesim dhe e gatshme për të bërë një punë të mirë me përqendrim nesër. Qoftë ne, qoftë Kukësi, jemi skuadra që duam të luajmë futboll. Nesër të përqendrohemi në mbrojtje që t’i tregojmë se nuk jemi të lehtë për t’u mundur. Ata e shijojnë të luajnë këtu, sepse është një stadium i bukur. Ne të jemi të fokusuar të marrim më të mirën”.-theksoi trajneri.
Deri më tani Vllaznia renditet në vend të 4 me 24 pikë ndërsa Kukësi në vend të tretë me 27 pikë, megjithatë të këto skuadra ende nuk kanë zhvilluar ndeshjen e raundit të 15 si Laçi që kaloi në vend të dy të tabelës./K.T/Gijotina.com
Discussion about this post