Përballja me Partizanin, Memelli: Ja çfarë do të shfrytëzojmë për…

Vllaznia e Partizani do të përballen pasditen e së enjtes në “Loro Boriçi”, në ndeshjen e vlefshme për javën e 3-të të Kategorisë Superiore.

Trajneri i kuqebluve, Migen Memelli, në një konferencë për mediat në prag të sfidës, foli për rikthimet e futbollistëve si dhe bëri me dije që grupi do të jetë i plotë.

Ndër të tjera Memelli është shprehur i lumtur për fitoret e Kombëtares kuqezi dhe Shqipërisë U21.

“Kanë qenë ditë intensive, më përjashtim të këtyre të fundit, gjithçka është në rregull dhe skuadra është e plotë. Juriç dhe Krymi që kanë pasur probleme janë kthyer me skuadrën, lojtarët duhet të provojnë dhe të kenë minuta, do të shohim dhe në stërvitjen e sotme dhe vendosim për nesër.

Të gjithë jemi koshientë që është një test i rëndësishëm, që pranohen të gjitha rezultatet. Dëshira e futbollistëve nuk ka munguar, jemi me bindje që do të futemi në fushë për të fituar. Lojtarët janë të impenjuar dhe me ndihmën e tifozëve do të kemi një shtysë për të bërë mirë.

Ndeshja e nesër është më e fortë dhe besoj që ndaj një kundërshtari të fortë, por do mundohemi dhe do të përpiqemi të futemi me një mentalitet për të fituar ndeshjen. Kur flasim për mbrojtjen në tërësi duhet të kemi parasysh një skuadër, Partizani ka bërë mirë në këtë drejtim si me Astanën dhe Laçin, por ka difiçite në çdo skuadër dhe ne do të shfrytëzojmë pikat tona që kemi të forta.

Të gjithë lojtarët janë të rëndësishme, me Erzenin patëm dy mungesa të rëndësishme por i zëvendësuam mirë. Dhe kundërshtarin nuk e shohim tek mungesa, ne çdo gjë e nisim nga vetja, futbollistët janë në gjendje të mirë fizike. Është e vështirë periudha e tranzicionit kur ndërron skuadër, ne do mundohemi që të bëjmë mirë në të gjitha fazat. Lojtarët duhet të kenë qartësi tek 30 metrat e fundit, të kenë të qartë kur duhet të pasojnë.

Praktika e vazhdueshme është ajo që i nevojitet të gjithëve. Unë skam asnjëherë problem me vetën, i bindur kam qenë, por kam dashur të instaloj një qetësi profesionale dhe ashtu do të jenë të qartë të bëjnë mirë në fushën e lojës, ata janë koshientë për fanellën që luajnë dhe qëllimet që kemi.

Jam jashtëzakonisht i lumtur jo vetëm për Kombëtaren, por edhe moshat që kanë fituar. I lumtur dhe i gëzuar sepse lojtarët stafet bëjnë maksimumin për kombet dhe tifozët e tyre”, deklaroi Memelli.