Mbrëmjen e sotme do të mbahet ndeshja mes Izraelit dhe Shqipërisë. Ambasada amerikane në Tiranë, pak orë para ndeshjes ka dalë në një paralajmërim yë fortë për qytetarët e saj në vendin tonë. Sipas Ambasadës, do të ketë grumbullime dhe turma të mëdha, çka rrezikojnë edhe përplasje apo sherre. Ambasada kërkon nga qytetarët amerikanë të kenë kujdes dhe i njofton se disa rrugë do të jenë të bllokuara.
“Ambasada e SHBA këshillon qytetarët amerikanë dhe personelin e ambasadës amerikane që të shmangin zonën e stadiumit të premten më 10 qershor. Për shkak të turmave të mëdha që priten në Tiranë, ju lutemi të tregoni kujdes në të gjithë qytetin dhe të jeni të vetëdijshëm për vendondodhjen tuaj. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”, thekson ambasada amerikane.
Ndërsa në përfundim iu kërkohet autoriteteve shqiptare që të marrin masat e duhura për të shmangur konfliktet.
Discussion about this post