Trupi i pa jetë i Klajdi Bitrit, të riut 23-vjeçar që u vra me shtizë peshkimi para pak ditësh në Itali ka mbërritur në vendlindje dhe sot pritet që të bëhet edhe ceremonia mortore.
Ministri i Brendshëm, Taulant Balla ka shkuar ditën e sotme për ngushëllime ne familjen Bitri.
Balla pari një rol në ndihmesën për të sjellë trupin e të riut në vendlindje, pasi familja e tij nuk kishte mundësi.
Shpenzimet mortore do të financohen nga bashkia Lushnjë.
Kryebashkiakia Eriselda Sefa shprehet se nuk gjen dot fjalë për këtë tragjedi dhe se është e më e pakta që mund të bënin për të ndihmuar familjen e tij në momente kaq të vështira.
“Nuk gjej dot fjalë për të thënë atë që ju po kaloni, unë jam nënë vetë dhe e di se çdo të thotë të humbësh një fëmijë dhe kjo që bëra unë me stafin dhe ministrin është një detyrim moral dhe qytetar. Ne do donim që kjo gjë të mos ndodhte, por kjo është me e pakta që mund të bënim. Për çdo gjë unë do jem e gatshme për të ndihmuar familjen tuaj dhe këdo sepse kjo është detyra ime.”, u shpreh ajo.
Vëllai i Klajdi Bitrit tregoi se do jetë në Itali për seancën e gjyqit dhe për të dhënë dëshminë e tij. Balla i premton atij që do e ndjekë procesin gjyqësor.
Balla: Ne do e ndjekim procesin gjyqësor, duke kërkuar që të bëhet drejtësi.
Babai i Klajdi Bitrit: Dua dhe unë drejtësi, sepse ishte i pafajshëm. Dua unë si prind, dua drejtësinë time, unë nuk kam bërë as dënim më të vogël.
I riu shqiptar, Klajdi Bitri, u qëllua me një shtizë peshkimi nga Fatah Malloul nga Algjeria, pasi ndërhyri për të shuar konfliktin ku ishte përfshirë shoku i tij.
Autori algjerian Fatah Melloul, 27-vjeç, u largua pas vrasjes, por u ndalua nga policia katër orë më vonë.
Discussion about this post