Këngëtarja nga Kosova, Zanfina Ismaili ka reaguar lidhur me reagimet e personazheve publikë ndaj rastit të vajzës 11-vjeçare në Prishtinë që u përdhunua nga pesë të rinj.
Lidhur me këtë ngjarje të ndodhur disa ditë më parë, në vend janë zhvilluar protesta si shenjë solidarizuese dhe është vënë re që në këtë protestë kanë qenë pjesëmarrës edhe shumë personazhe të njohura shqiptare. Për këtë Zanfina i kritikon personazhet publikë duke u thënë se nëse duan ta ndihmojnë 11-vjeçaren e dhunuar, t’i paguajnë seancat te një mjek psikiatër.
Teksa i cilëson reagimet e tyre si “kërkesë për vëmendje”, Zanfina shprehet: “Lërini tastierat se i shkatërruat! Nëse doni vërtet t’i ofroni ndihmë 11 vjeçares së përdhunuar, paguajini seanca te psikiatrit! Që unë e para po ia paguaj, lërini fjalët dhe kërkimin e vëmendjes për vete.”
Discussion about this post