Prokuroria Themelore e Prishtinës ka njoftuar se ka ndaluar për 48 orë një person të dyshuar për dhunimin e 11-vjeçares.
Përmes një deklarate të lëshuar për mediat Prokuroria konfirmoi se i ndaluari dyshohet se ka abuzuar seksualisht me të miturën në muajin qershor dhe ka bërë me dije se do të kërkojë caktimin e masës së paraburgimit ndaj tij.
“Prishtinë, 14 shtator 2022– Prokuroria Themelore në Prishtinë, njofton opinionin publik se me urdhër të Prokurorit të Shtetit, ka ndaluar një person (madhor) në kohëzgjatje prej 48 orësh, nën dyshimin se i njëjti ka kryer veprën penale “Dhunimi”, sipas KPRK-së, lidhur me rastin e 11 vjeçares, në qershor të vitit 2022. Po ashtu, ju njoftojmë se Prokurori i Shtetit brenda afatit ligjor do të ushtrojë kërkesë për caktimin e masës së paraburgimit ndaj të pandehurit, në gjykatën kompetente”, thuhet në njoftim.
Ky arrestim e çon në 12 numrin e të ndaluarve për përdhunimin e 11-vjeçares në Prishtinë në dy periudha të ndryshme kohore. Skandali u zbulua vetëm dy javë më parë ku 5 burra, 3 prej të cilëve të mitur, përdhunuan në një park publik në Prishtinë për rreth 7 orë të miturën, Ndërkohë pas denoncimit të rastit u zbulua se e mitura kishte qenë pre e abuzlimit seksuale dhe nga 6 meshkuj të tjerë gjatë muajit qershor.
Discussion about this post