Gjykata e Las Vegasit e ka pushuar çështjen që lidhej me abuzimin seksual të ish-modeles Kathryn Mayorga nga ylli i Manchester United, Cristiano Ronaldo. Akuzat e bëra nga Mayorga janë hedhur poshtë.
Ish-modelja që në atë kohë ishte 29 vjeçe tregoi se e kishte takuar atë në një klub dhe tha se ishte viktimë e abuzimit seksual të pësuar në vitin 2009 në një dhomë hoteli.
Kjo histori u duk se mbaroi në 2010 kur CR7 vendosi t’i paguajë Mayorga-s mbi 300 mijë euro si pjesë e një marrëveshjeje jashtëgjyqësore të nënshkruar për të mos zbuluar çështjen.
Ndërsa në vitin 2018, ajo hodhi në gjyq sulmuesin portugez dhe kërkoi një dëmshpërblim prej mbi 60 milionë eurosh.
“Ne jemi të kënaqur me shqyrtimin e hollësishëm të gjykatës mbi këtë çështje dhe gatishmërinë e saj për të zbatuar me ligj dhe fakte pushimin e çështjes civile kundër Ronaldos,”- u shpreh avokati i sulmuesit Peter S. Christiansen. Teksi ekipi ligjor i Mayorga ka 14 ditë kohë për të apeluar vendimin e gjykatës./K.T/Gijotina.com
