Qeveria italiane i ka kërkuar Brazilit të ekzkutojë dënimin me nëntë vjet burg për përdhunim ndaj ish-sulmuesit të Milanit, Robinjo dhe mikut të tij Ricardo Falco.
Të dy u dënuan në Itali për përdhunimin e një vajze të re shqiptare në Milano, më 22 janar 2013.
Portali brazilian Uol raportoi ekskluzivisht urdhëresën e nënshkruar më 24 janar nga Ministri i Drejtësisë italiane Carlo Nordio, dërguar qeverisë braziliane përmes kanaleve diplomatike më 31 janar: “Ne kërkojmë që çështja t’i dorëzohet autoritetit gjyqësor kompetent brazilian, për të autorizuar, në zbatim të ligjit brazilian, ekzekutimin e dënimit me nëntë vjet burg të vendosur ndaj Robson de Souza-s (Robinjo) me vendimin e Gjykatës së Milanos të datës 23 nëntor 2017, i cili mori formë të prerë më 19 janar 2013”.
Qeveria italiane shpjegon se Ministria e Drejtësisë i kërkoi Brazilit të ekstradonte Robinjon dhe Falcon në shtator 2022. Një kërkesë e refuzuar nëntorin e kaluar, sepse neni 5 i Kushtetutës braziliane ndalon ekstradimin e shtetasve.
Discussion about this post