Gjykata e Lezhës ka rikthyer për shqyrtim ngjarjen e rëndë në Mirëditë ku një 15-vjeçare u përdhunua nga pesë persona. Burime për Gijotina.com bëjnë me dije se gjykata e ka rikthyer çështjen për plotësim të hetimeve, duke i kërkuar prokurorit përgjegjës Ylli Pjetërnika t’i zgjerojë ato.
Sipas burimeve, dosja ka pasur mangësi, duke ngritur dyshime të arsyeshme se nuk është arritur të provohen plotësisht akuzat për 5 personat e arrestuar në lidhje me këtë çështje. Ka qenë pala mbrojtëse e 5 pandehurve kanë pretenduar për mangësi të theksuara në marrjen e deklarimeve të viktimës në këtë proces, konkretisht 15-vjeçares së mitur dhe për kontradiktat e këtyre deklarimeve në raport me komunikimet e dokumentuara që e mitura ka pasur me të gjithë të pandehurit.
Ngjarja e rendë ka ndodhur më 8 mars, kur Artan Kaçorri ka shkuar dhe ka marrë 15-vjeçaren në shkollë. Sipas prindërve të vajzës, 31-vjeçari e ka marrë vajzën me zor në makinë dhe e ka droguar. Më pas ai ka kryer marrëdhënie seksuale me të, dhe e ka dërguar tek Nik Lleshi, i cili gjithashtu ka abuzuar seksualisht me të. Me anë të një videoje, ata e kanë shantazhuar vajzën e cila nga frika është detyruar të kryejë marrëdhënie seksuale me dhunë në grup. Ka qenë e ëma e të miturës që ka dyshuar se me vajzën diçka nuk shkonte pasi i ka gjetur një telefon ilegal i cili i qe dhuruar nga autorët. Brenda telefonit gjendeshin foto e video, me të cilat ata i bënin shantazh për të kryer marrëdhënie seksuale me persona të tjerë.
Artan Kaçorri 31 vjeç, Albert Molla 27 vjeç, Ermal Tarazhi 30 vjeç, Nikë Lleshi 44 vjeç dhe 17-vjeçari Adrian Gjikola janë autorët të cilët u lanë në masën e sigurisë arrest me burg.
Discussion about this post