Dhjetëra qytetarë janë mbledhur në sheshin “Skënderbeu” në Prishtinë për të protestuar kundër dhunës ndaj grave dhe vajzave pas dhunimit të një 11-vjeçareje nga 5 persona. Aktivistja Xheraldina Rexhepi tha se dështuan të gjithë. Ajo pati kritika edhe për prindërit e 11-vjeçares, duke thënë se prindërit nuk i dëgjojnë fëmijët kur ata kanë ndonjë shqetësim.
“Nuk ka dështuar shteti, nuk ka dështua asnjë institucion. Kemi dështuar krejt. Hallka e parë, institucioni i parë është familja: familja ka dështuar. Ka dështuar nëna e asaj vajze që s’e ka ditë ku e ka vajzën shtatë orë, kanë dështuar prindërit e atyre djemve që i kanë edukuar në mënyrën që me e bë krim makabër dhe mos me u ndjerë fajtorë”, tha ajo. Rexhepi tha se duhet “ta nisim ndryshimin prej vetvetes”, ndërsa kërkoi nga institucionet përgjegjëse të japin dënimin maksimal për abuzuesit.
Discussion about this post