Përdhunuan 11-vjeçaren në Kosovë, dënohen me 35 vite burg 4 të akuzuarit

Gjykata Themelore në Prishtinë, Departamenti për të Mitur, ka shpallur aktgjykim dënues në çështjen penale ndaj një të akuzuari dhe tre të miturve.

Ndaj katër të akuzuarve është shqiptuar dënim prej 35 vjetësh.

I akuzuari E.R. është shpallur fajtor për veprën penale të “Dhunimit” dhe është dënuar me dënim me burgim në kohëzgjatje prej 14 vjetësh.

I mituri (1) është shpallur fajtor për veprën penale të “Dhunimit” dhe veprën penale “Keqpërdorimi i fëmijëve në pornografi” dhe është dënuar me dënim me burgim në kohëzgjatje prej 7 vjetësh.

I mituri (2) është shpallur fajtor për veprën penale të “Dhunimit” dhe veprën penale “Keqpërdorimi i fëmijëve në pornografi” dhe është dënuar me dënim me burgim në kohëzgjatje prej 7 vjetësh.

I mituri (3) është shpallur fajtor për veprën penale të “Dhunimit” dhe veprën penale “Keqpërdorimi i fëmijëve në pornografi” dhe është dënuar me dënim me burgim në kohëzgjatje prej 7 vjetësh.

Lidhur me të miturin (4) është veçuar procedura nga gjykata.

I akuzuari E.R. është liruar nga aktakuza për veprën penale të “Trafikimit me njerëz”, pasi nuk është provuar se i njëjti ka kryer veprën penale për të cilën është akuzuar, ndaj të njëjtit është vazhduar masa e paraburgimit.

I mituri (4) është liruar nga aktakuza për veprën penale të “Trafikimit me njerëz”, pasi nuk është provuar se i njëjti ka kryer veprën penale për të cilën është akuzuar.

“Pala e dëmtuar me përfaqësuesen e saj ligjore dhe përfaqësuesen e saj të autorizuar është udhëzuar për realizimin e kërkesës pasurore juridike në kontest të rregullt juridiko-civil.

Palët e pakënaqura kanë të drejtë ankese në Gjykatën e Apelit të Kosovës përmes Gjykatës Themelore në Prishtinë”, thuhet në njoftimin e Gjykatës Themelore.