Dy persona janë vënë në pranga në qytetin e Pejës, pasi akuzohen se kanë përdhunuar një vajzë 23-vjeçare nga Shqipëria
Lajmin e ka konfirmuar zëdhënësi i Prokurorisë Themelore në Pejë, Shkodran Nikçi.
“Dy persona janë arrestuar për veprën penale të dhunimit të 23 vjeçares nga Shqipëria”, ka thënë Nikçi.
23-vjeçarja shqiptare dyshohet se kishte udhëtuar vetëm disa ditë më parë drejt Kosovës dhe se ishte me probleme fizike. Ajo mendohet se është përdhunuar nga disa persona në një banesë të braktisur në zonën e Pejës.
Vajza ishte raportuar disa ditë më parë nga familjarët e saj në Shqipëri si e zhdukur.
“Lidhur me rastin e njëjta është dërguar në emergjencë për kontrollë mjekësore, ndërsa nën dyshimin se ndaj të njëjtës është kryer vepra e lartcekur me urdhër të prokurorit viktima është dërguar për ekzaminim në IML. Rasti është duke u hetuar”, thuhej në raportin e policisë.
Discussion about this post