Ish-konkurrentja e “Big Brother VIP”, Antonela Berisha, ka folur hapur lidhur me sjelljen e banorëve në shtëpi, ku nuk ka hezituar të përmendi emra konkretë, të cilët i ka konsideruar si të shtirur. Ajo tha se Iliri dhe Arjola janë dy personat më fals në shtëpi, ndërsa shtoi se balerini është krejtësisht ndryshe gjatë netëve të spektaklit ‘live’.
“A e do me listë apo vetëm një? Jam në mëdyshje, por do t’i them të dyja. Iliri, unë e mendoja më ndryshe, e kuptoj që është gjithmonë një fasadë, është fasadë. Ai gjatë javës ishte i qetë, kurse gjatë prime ndryshonte totalisht. Emri i dytë është Arjola. Pavarësisht të gjithave, ajo përdor imazhin e vuajtjes, ajo thotë që unë kam kaluar këtë e atë dhe nuk mendon se edhe të tjerë mund të kenë kaluar vuajtje”, tha Antonela.
Antonela është përfshirë në shumë debate gjatë qëndrimit të saj në shtëpinë e “Big Brother VIP”, me Arjolën dhe Big Mamën.
Discussion about this post