Dy shqiptarë janë arrestuar ditën e sotme në Spanjë pasi kishin kthyer banesën në vend për kultivim droge. Bëhet me dije se, në pranga ka rënë 34-vjeçarë shqiptarë pasi akuzohen për drogë dhe organizatë kriminale. Këto dy shqiptarë, emrat e të cilëve nuk janë bërë publik, kishin ngritur një “shtëpi bari” ku kultivonin qindra rrënjë lënde narkotike. Ndërkohë, policia ka zbuluar dhe metodën e çuditshme të tyre, për të larguar erën e rëndë të marijuanës, në fazën e lulëzimit të saj. Sipas të dhënave, të arrestuarit përdornin një freskues tekstili që e ngrohnin pranë aparatit për nxjerrjen e ajrit dhe në këtë mënyrë kamuflonin erën .
Agjentët, gjatë kontrollit në garazh, kanë verifikuar se dhoma kishte disa zona për fazat e ndryshme të kultivimit të marijuanës. Përveç kësaj, të arrestuarit banonin në këtë vend. Në total, Garda Civile ka sekuestruar 25,000 gram boçe marijuanë të thatë , si dhe sende të ndryshme të përdorura për zhvillimin dhe rritjen e bimëve, duke përfshirë katër kondicionerë, 101 çakëll elektrik, pesë nxehës, 28 ventilatorë, 72 llamba dhe mbajtëse llambash kultivimi dhe tetë soba me ngrohje. Gjithashtu, ata kanë verifikuar se garazhi-magazina ka pasur lidhje të paligjshme me rrjetin elektrik.
Operacioni ka kulmuar me arrestimin e dy 34-vjeçarëve, të dy me kombësi shqiptare, për veprat penale të anëtarësimit në organizatë kriminale, krim kundër shëndetit publik (kultivim droge) dhe vjedhje me energjinë elektrike.
Discussion about this post