Policia e Veronas në Itali ka vënë në pranga një 37-vjeçar shqiptar, i cili akuzohet për trafik lëndësh narkotike. Jorlando Lamaj fillimisht është ndaluar nga policia italiane në autostradë në një kontroll rutinë, ku iu gjetën një shumë prej 24 mijë euro cash, të cilat nuk mundi t’i justifikonte. Ai iu tha bluve se paratë i kishte fituar nga shitja e automjeteve online, pasi prej disa kohësh rezultonte i vetëpunësuar me nipt dhe operonte në zonat përreth Veronës.
Policët nuk u bindën ndaj kryen një kontroll në banesën e 37-vjeçarit, në të cilën fshihej droga, e ndarë në pako të ndryshme, e cila ende duhej të ndahej në doza para se të përfundonte në treg. I riu shqiptar u vu në pranga, si dhe raportohet se hetimet vijojnë ende për të identifikuar bashkëpunëtorët e tij.
Discussion about this post