Një 31-vjeçar me inicialet L.V, është arrestuar nga policia e Tiranës, pasi nga hetimet e kryera rezultoi se në lokalin që zotëronte ushtronte veprimtarinë e paligjshme të lojërave të fatit. Sipas njoftimit të policisë, arrestimi u krye në sajë të finalizimit të operacionit “Last game” për goditjen e veprimtarisë së paligjshme në fushën e lojërave të fatit.
Gjatë kontrollit të ushtruar nga shërbimet e Policisë, në ambientet e lokalit në pronësi të shtetasit L. V., në rrugën “Fehmi Ibrahimi”, në Shkozë, në aparatin e tij celular, iu gjetën programe për lojëra fati dhe të dhëna të ndryshme për vendosjen e basteve sportive.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
Discussion about this post