Policia e Tiranës ka finalizuar operacionin “Bujtina”, ku në pranga ka rënë pronari i një lokali pasi përdorte biznesin e tij për përdorin dhe shitje të lëndës narkotike.
Sipas njoftimit të policisë, bazuar në informacionet e grumbulluara në rrugë operative se një person kishte përshtatur lokalin në pronësi të tij për përdorim droge, të llojit kokainë dhe se mbante armë zjarri dhe armë të ftohta në banesë, u vu në pranga L. E., 42 vjeç, banues në Tiranë.
Gjatë kontrollit të lokalit dhe të banesës së tij, janë gjetur dhe sekuestruar në cilësinë e provës materiale një armë zjarri e llojit pistoletë dhe fishekë luftarakë, një sasi lënde narkotike kokainë, një peshore elektronike që shërbente për peshimin e lëndës narkotike dhe dy armë të ftohta (thika).
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Discussion about this post