Kryeprokurori i Vlorës, Aurel Zarka, u arrestua mëngjesin e sotëm me urdhër të SPAK.
Burime bëjnë me dije se kryeprokurori i Vlorës rezulton të jetë përdorures i aplikacionit të kriptuar SKY ECC.
Dyshohet se Zarka të jetë përdorues i katër kodeve të aplikacionit SKY ECC, ku ka dyshime nga ana e prokurorisë, që të ketë pasur bisedime për favorizime dhe vepra të tjera, për të cilët prokurorët kanë evidentuar rolet e të përfshirëve.
Po ashtu, mëngjesin e sotëm është arrestuar edhe ish-oficerja e Krimeve të Rënda, Eriona Dautaj, si dhe avokatët Radovan Çela dhe Astrit Vladi.
Drejtuesi i Prokurorisë së Vlorës, Aurel Zarka u konfirmua në detyrë në qershor 2024 nga Komisioni i Pavarur i Kualifikimit, KPK.
Aurel Zarka e ka filluar karrierën e tij në sistemin e drejtësisë si oficer i Policisë Gjyqësore në vitin 2004 pranë ish-Prokurorisë së Krimeve të Rënda.
Ai u emërua prokuror në vitin 2012 dhe prej asaj kohe e ushtron funksionin në Prokurorinë e Rrethit të Vlorës, ku së fundmi mban funksionin e drejtuesit.
Ndërkohë pritet reagimi zyrtar i SPAK.
Të arrestuarit:
Aurel Zarka, Drejtues i Prokurorisë Vlorë
Eriona Daupaj, magjistrate në Shkollën e Magjstraturës, ish-oficere e Policisë Gjyqësore
Astrit Vladi, avokat
Radovan Cela, avokat
Discussion about this post