Mbrëmjen e kaluar, përdoruesit e Android në Bosnje dhe Hercegovinë kanë marrë një paralajmërim përmes sistemit të mbrojtjes pak sekonda para tërmetit.
Mediat boshnjake shkruajnë se kjo është hera e parë që përdoruesit e këtij sistemi operativ informohen për rreziqet e mundshme në këtë mënyrë. Njoftimi erdhi disa sekonda para tërmetit dhe habiti shumë përdorues.
Përveç informimit se ndodhen në një zonë potencialisht të rrezikshme, ata janë udhëzuar edhe se si të sillen gjatë tërmetit. Ndër të tjera u është thënë që të dalin nga shtëpitë, të mbyllin gazin dhe të shmangnin ndërtesat e dëmtuara.
Tërmeti me epiqendër në Bosnje dhe Hercegovinë u ndje në shumë vende të ballkanit duke përfshirë Shqipërinë, Kosovën, Kroacinë por edhe Italinë. Deri tani nga tërmet është shënuar vetëm një viktimë, një 28-vjeçare nga Bosnja humbi jetën si pasojë e gurëve që ranë në shtëpinë e saj.
Discussion about this post