Kot nuk thonë që “Perëndia nuk t’i jep të gjitha” dhe me Neymar, kjo është më se e vërtetë. I talentuar në fushën e lojës por, jashtë saj, një fëmijë i papjekur, që e ka mendjen vetëm te festat dhe te aktet deri diku të pahijshme që i kanë kushtëzuar vitet e fundit të karrierës si futbollist.
Jeta e futbollistit brazilian Neymar aktualisht është shumë e trazuar.
Pas historisë se ai tradhtoi partneren e tij Bruna Biancardi dhe përplasjeve me ligjin për ndërtimin e një liqeni artificial në vilën e tij në Brazil, Neymar u bë sërish kryetitull në një kontekst negativ. Këtë herë bëhet fjalë për një konflikt fizik.
“Mundo Deportivo” shkruan se Neymar ka marrë pjesë në një incident të ndodhur në një klub nate në Rio de Zhaneiro, ku po zhvillohej një koncert i këngëtarit Thiaguinho.
Futbollisti ka qenë në shoqërinë e partneres së tij Bruna Biancardi, por pavarësisht kësaj është përplasur verbalisht me një mashkull tjetër, pas së cilës ka pasur ofendime dhe shtyrje. Oficerët e sigurimit kanë reaguar dhe i kanë ndarë. Nuk dihet ende arsyeja e konfliktit.
Ndryshe, Neymar ditët e fundit të pushimeve po i kalon në vendlindjen e tij derisa ende është duke u rikuperuar nga lëndimi, por e ardhmja e tij te PSG është e pasigurt. Thashethemet thonë se ai mund të largohet nga klubi parizien dhe të vazhdojë karrierën e tij në Premier League, dhe disa media e lidhin atë me një rikthim te Barcelona. Megjithatë, trajneri i klubit katalanas Xavi pohon se futbollisti 31-vjeçar nuk është në planet e tij.
Discussion about this post