“Rasti Mbappe” vazhdon të japë shumë për të folur, vazhdimësia e francezit te PSG është më në dyshim se kurrë. Në fakt, Fayza Lamari është në negociata me klubin parisien për të diskutuar për të ardhmen e djalit të saj. Sigurisht, Real Madridi mbetet i vendosur në pozicionin e tij.
Telenovela Mbappé po i shton kapituj të rinj historisë së saj të gjatë. Në Chamartín e morën të mirëqenë se kjo verë do të ishte e qetë përsa i përket të ardhmes së francezit, por gjithçka ka precipituar. Mbappé nuk ka hezituar aspak t’i bëjë të ditur PSG-së, qëllimet e tij të qarta për t’u larguar nga klubi në vitin 2024, ku Real Madridi del si destinacioni i tij më i mundshëm. Nisur nga kjo, nga Katari duket se do heqin dorë duke e lënë të shkojë ‘falas’.
Në fakt, nga Franca nuk e fshehin mundësinë reale që PSG ta shesë Mbappen këtë verë. Por sulmuesi mbetet i vendosur në idenë e tij për të përfunduar vitin e mbetur në kontratën e tij. Për këtë arsye, Fayza Lamari, nëna dhe agjentja e lojtarit, është në negociata të hapura me PSG-në për të gjetur zgjidhjen më të mirë për të gjitha palët. Real Madrid, për momentin, po pret, por i vendosur në pozicionin e tij.
Në këtë mënyrë, klubi i bardhë është treguar shumë i qartë me rrethin e Mbappes. “Nëse ai rinovon kontratën në Paris, ka mbaruar”, i kanë thënë nënës së lojtarit disa emisarë që përfaqësojnë Real Madridin. Të gjitha palët e përfshira në operacionin Mbappe bien dakord për të njëjtën gjë: java e ardhshme duket kyçe për të ardhmen e yllit të PSG.
Real Madridi është shumë i qetë në gjithë këtë çështje. Bordi i kryesuar nga Florentino Perez është i vetëdijshëm se për momentin problemi është vetëm mes PSG-së dhe Mbappes. Sigurisht, sapo të arrijnë një pikë mirëkuptimi, Madridi nuk do hezitojë të përgatisë kontratën për Kylianin.
Gjithçka është në duart e Mbappe. Sulmuesi francez duket i vendosur për të mos rinovuar kontratën, por do të duhet të përballet me presion të fortë. Fayza Lamari i di tashmë synimet e Madridit, kjo do të jetë mundësia e fundit për të zbritur në Chamartín.
Discussion about this post