Shefja e Misionit të Vëzhguesve të ODIHR, Audrey Glover ka mbërritur mëngjesin e sotëm në selinë e Partisë së Lirisë.
Glover do të zhvillojë një takim me kreun e kësaj force politike, Ilir Metën, në kuadër të fushatës elektorale për zgjedhjet vendore që do të mbahen në 14 maj.
Po ashtu, Glover do të zhvillojë sot një takim me kryetarin e Partisë Demokratike, Sali Berisha.
Takimi mësohet se do të realizohet në orën 13:00, në selinë e PD.
Kujtojmë se më herët në një deklaratë për mediat, Glover bëri me dije se ndërkombëtarët janë përqendruar tek zgjedhjet lokale të 14 majit.
Audrey Glover mund të quhet pa hezitim një veterane e proceseve zgjedhore në Shqipëri. Për herë të parë ajo ka drejtuar misionin e vëzhgimit në zgjedhjet politike të vitit 1996.
Për tu rikthyer shpesh në vendin tonë në zgjedhjet e vitit 2009 e më pas në ato të viteve 2015, 2019 dhe tashmë në garën e 14 Majit.
Discussion about this post