Albert Demolli përfitoi para pak ditësh nga amnistia penale, dhe u shoqërua për në shtëpi nga gazetari pasi deklaroi se askush nuk po e priste
Në një intervist për gazetarin Xhensil Shkëmbi, ai rrëfeu dhe arsyen pse kishte hyrë në burg, ndërkohë deklaratat e tij gjatë kësaj interviste ishin kondradiktore.
Njëherë tha se është penduar që kishte dhunuar gruan e tij dhe njëherë jo, pasi ajo e meritonte. Por e vërteta është krejtësisht tjetër. Albert Demolli nuk është i dënuar për dhunë ndaj bashkëshortes por pasi ka ngacmuar seksualisht një të mitur.
Në vitin 2022, Albert Demolli, 54-vjeç aso kohe, kishte ngacmuar seksualisht një 12 –vjeçare.
“Specialistët për Hetimin e Krimeve në Komisariatin e Policisë Devoll bënë arrestimin në flagrancë, për veprën penale “Ngacmimi seksual”, të shtetasit A. D., 54 vjeç, banues në fshatin Ponçarë, Devoll, pasi dyshohet se ky shtetas ka ngacmuar seksualisht një 12-vjeçare”, thuhet në njoftimin e Policisë së Korçës më 19.05.2022.
Ndërkohë, burime për neësbomb.al bëjnë me dije se ditën e djeshme ky shtetas është pritur në banesën e tij me “krahët hapur” nga bashkëshortja dhe vajzat e tij, për të cilat në intervistën e dhënë të mërkurën tha se nuk e duan nënën e tyre.
Discussion about this post