Grupi Parlamentar i Partisë Demokratike njofton se do t’i kërkojë Kuvendit të dërgojë në Gjykatën Kushtetuese mandatin e deputetit socialist Vullnet Sinaj.
Në një deklaratë të shpërndarë për mediat, PD pretendon se nga verifikimi i të dhënave të thesarit të shtetit, rezulton se deputeti Sina në kundërshtim flagrant me nenin 70, pika 3 e Kushtetutës, ka përfituar të ardhura nga Buxheti i Shtetit, në vlerë disa milion lekë, përmes 9 kompanive të tij private, gjatë periudhës ku ushtron edhe mandatin e deputetit.
“Deputeti Vullnet Sina i shpallur si “deputet kampion” nga Edi Rama në Kongresin e fundit të Partisë Socialiste, rezulton se qënka kampion në përfitimin e parave publike në kundërshtim flagrant me Kushtetutën.
Mocioni, së bashku me të gjitha provat që kompanitë e tij kanë përfituar pagesa miliona lekëshe, në mënyrë të vijueshme nga Buxheti i Shtetit, është duke u përgatitur dhe do të dorëzohet gjatë kësaj jave zyrtarisht në Kuvend“, thuhet në njoftimin e PD.
Por ndërkohë ka një element që e bën të dyshimtë dhe të vonuar kërkesën e opozitës. Kryeministri Edi Rama gjatë kongresit të PS-së, ku tha se Sinaj i ka kërkuar të përmbyllë rrugëtimin në politikë.
Ai foli me superlativa për deputetin, teksa deklaroi se nuk e ka shqetësuar kurrë për gjëra personale.
“Nuk do të kishim arritur shumëçka në këtë mandat të tretë, i kemi edhe deputetët, të cilët nuk mungojnë as kur duhet të ulen në karrige kur duhet të marrin vendime, as kur duhet t’u japin këmbëve për të takuar zgjedhësit.
Vullnet Sinaj është njëri prej tyre. I ka në rregull punët e veta do të thuhej në kafene, por në fakt Vullneti në rregull i kishte edhe pa hyrë fare te ne. Nuk është i vetmi kurrsesi, por ia zura emrin se më tha para disa kohësh se do ta mbyllë rrugëtimin e tij. Kurrë, asnjëherë nuk më ka shqetësuar për asgjë personale”, theksoi kreu i qeverisë më 28 korrik 2024.
gijotina.com/
Discussion about this post