Thellohet skema e tjetërsimit të pronave në Sarandë, ndërsa mësohet se “blutë” e Sarandës kanë shpallur në kërkim 2 biznesmenë të tjerë. Aksioni i policisë vjen në kuadër të operacionit të djeshëm të Prokurorisë për tjetërsimin e një toke 10 mijë metra katrorë, ku ranë në pranga disa zyrtarë. Bëhet me dije se në kërkim janë shpallur biznesmenët Behar dhe Bedri Muçobega, si të përfshirë në skemën korruptive të tjetërsimit të kësaj prone me akuzat e “Falsifikimit të dokumenteve” dhe “Pastrimin e produkteve të veprës penale ose veprimtarisë kriminale”
“Nga oficerët e Policisë Gjyqësore u bë shpallja në kërkim dhe po punohet për kapjen e shtetasve B. M., 40 vjeç, banues në Sarandë, pasi akuzohet se ka kryer veprën penale “Falsifikimi i dokumenteve”, dhe B. M., 50 vjeç, banues në Sarandë, pasi akuzohet se ka kryer veprën penale “Pastrimi i produkteve të veprës penale ose veprimtarisë kriminale”.”-njofton policia.
Discussion about this post