Herald Marku është zyrtarisht lojtar i Vllaznisë. Mesfushori rikthehet në Shkodër pas një sezoni te Partizani dhe ditën e sotme ka firmosur, para se kuqeblutë të nisen për në Austri për fazën përgatitore.
“KF Vllaznia ka kënaqësinë të njoftojë arritjen e akordit me futbollistin Herald Marku.
Mesfushori shkodran rikthehet në skuadrën tonë sërish duke firmosur një kontratë njëvjeçare, me të drejtë zgjatje edhe për një vit tjetër.
KF Vllaznia i uron Heraldit një përfaqësim sa më dinjitoz të fanellës kuqeblu dhe të gjithë sëbashku të përjetojmë të tjera emocione suksesesh.
Mirë se erdhe në shtëpinë tënde Herald Marku!”, shkruhet në njoftimin e bërë nga klubi i Vllaznisë në rrjetet sociale.
Discussion about this post