Tre makina janë përfshirë në një aksident pasditen e sotme në aksin e vjetër Mamurras-Fushë Krujë në lagjen “Demokracia”, ku kanë mbetur të plagosur dy drejtues.
Nga të dhënat paraprake, shkak i aksidentit ka qenë autovetura e tipit benz, me ngjyre gri. Nga shpejtësia e madhe makina ka goditur mjetin tjetër benz me ngjyre blu. Më pas benzi me ngjyrë gri, në tentativë për të parakaluar ka goditur makinën e tipit golf.
Dy drejtuesit janë dërguar për ndihmë mjekësore në spitalin e traumës, ndërsa policia ndodhet në vendngjarje, ku pritet të vij edhe grupi hetimor.
