Përfshihet nga flakët apartamenti në një pallat në Sarandë

Rreth orës 19:20, një apartament në katin e katërt të një pallati në lagjen numër 3 në Sarandë, është përfshirë nga flakët.

Bëhet me dije se zjarri ka rënë në banesën e personit me inicialet E.Zh., ku ka vetëm dëme materiale.

Menjëherë në vendngjarje kanë mbërritur forcat zjarrfikëse, të cilat po punojnë për fikjen e zjarrit.

Gjithashtu në vendngjarje ka mbërritur edhe grupi hetimor, i cili po punon për zbardhjen e rrethanave të ngjarjes dhe përcaktimin e shkakut të rënies së zjarrit.